جہانگیرترین کا خیبرپختون حکومت کو ایک کروڑ روپے امداد کا اعلان

پشاور: پاکستان تحریک انصاف کے منحرف رہنما اور سینئر سیاستدان جہانگیر ترین نے سیلاب متاثرین کی بحالی کے لیے خیبر پختون حکومت کو ایک کروڑ روپے دینے کا اعلان کردیا۔

وزیراعلیٰ خیبرپختون محمود خان سے جہانگیر ترین کا ٹیلیفونک رابطہ ہوا، اس دوران انہوں نے سیلاب متاثرین کی مدد اور بحالی کے لیے ایک کروڑ روپے امداد فراہم کرنے کی یقین دہانی کرائی۔جہانگیر ترین نے کہا ہے کہ انشاءاللہ پاکستانی قوم اس مشکل سے بھی کامیابی سے نبرد آزما ہوگی۔ذرائع کے مطابق جہانگیر ترین کل جنوبی پنجاب اور سندھ میں سیلاب متاثرین کے لیے امداد کا اعلان کرینگے۔