ٹرک ڈرائیور نے امدادی سامان راستے میں ہی فروخت کردیا

بکھر: پنجاب سے ڈیرہ اسماعیل خان کے سیلاب متاثرین کیلیے بھیجا جانے والا امدادی سامان ٹرک ڈرائیورنے راستے میں  ہی فروخت کردیا ۔

نجی ٹی وی نے پولیس کے حوالے سے بتایا کہ سامان سے بھرے ٹرک  میں منرل واٹراور راشن سمیت دیگر اشیائے ضروریہ شامل تھیں،ٹرک ڈرائیور نے سامان ڈی آئی خان پہنچانے کے بجائے راستے میں ہی تمام راشن فروخت کر دیا

پولیس حکام کا کہنا ہے کہ اطلاع ملتے ہی بروقت کارروائی عمل میں لائی گئی جس کے نتیجے میں ٹرک ڈرائیور اور سامان خریدنے والے شخص کو حراست میں لے لیا گیااورمزید قانونی کارروائی کے لیے ڈرائیور سے تفتیش جاری ہے۔