نیشنل اسٹیڈیم کراچی کا نام تبدیل کر دیا گیا

کراچی(اُمت نیوز)کراچی میں موجود نیشنل اسٹیڈیم کا نام تبدیل کرکے نیشنل بینک کرکٹ ایرینا رکھ دیا گیا ہے۔
پاکستان کرکٹ بورڈ (پی سی بی) نے نیشنل اسٹیڈیم کے نام کی تبدیلی کے لیے نیشنل بینک آف پاکستان (این بی پی) سے معاہدہ کر لیا ہے۔
پانچ سالہ معاہدے پر پی سی بی چیئرمین رمیز راجہ اور بینک کے صدر اور سی ای او رحمت علی حسنی نے دستخط کیے۔
اس موقع پر چیئرمین پی سی بی رمیز راجہ کا کہنا تھا کہ قومی بینک کا پی سی بی کے ساتھ جڑنا ایک اعزاز ہے۔اسٹیڈیمز مارکیٹنگ کا ایک شاندار طریقہ ہیں اور دنیا بھر میں اس کو اہمیت دی جاتی ہے۔
ان کا کہنا تھا کہ کراچی کرکٹ کا گڑھ ہے، نیشنل اسٹیڈیم پاکستان کرکٹ کی ایک تاریخ ہے۔
چیئرمین پی سی بی نے کہا کہ ہم پاکستان میں ایک مثال قائم کر رہے ہیں ایسی پارٹنر شپ پاکستان میں پہلی مرتبہ ہوئی ہے۔
اس موقع پر نیشنل بینک کے صدر رحمد علی حسنی کا کہنا تھا کہ ہماری کرکٹ بورڈ کے ساتھ پارٹنرشپ کی شروعات ہیں قومی ادارے کی حیثیت سے کام کر رہے ہیں۔
انہوں نے یہ بھی کہا کہ نیشنل اسٹیڈیم کے رائٹس لینا اعزاز ہے، یہ بورڈ اور بینک مل کر ہی کر سکتے ہیں۔