نیلم ،ووٹ کاسٹ کیلئے جانیوالی جیپ کو حادثہ،6خواتین جاں بحق

مظفر آباد (اُمت نیوز) وادی نیلم میں جیپ گہری کھائی میں جا گری، المناک حادثے میں ایک ہی خاندان کی 6 خواتین جاں بحق ہوگئیں ہیں
تفصیلات کے مطابق وادی نیلم میں جیپ ووٹرز کو پولنگ سٹیشن تک لے جا رہی تھی کہ راستے میں موڑ کاٹتے ہوئے بے قابو ہو کر گہری کھائی میں جا گری ہے۔

پولیس حکام کا کہنا ہے کہ حادثے میں ایک ہی خاندان کی 5 خواتین موقع پر دم توڑ گئیں جبکہ ایک ہسپتال جا کر جان کی بازی ہار گئی، حادثے میں ڈرائیور سمیت 6 افراد زخمی ہوئے ہیں۔

جاں بحق ہونیوالوں میں الف جان بیوہ عمران ملک ،عمر95 سال، عطر جان زوجہ علی اصغر ملک عمر70سال،زیور خان زوجہ بشیر ملک عمر80 سال،شمیم اختر زوجہ الطاف عمر50 سال،صاحبزادی بیوہ خامیم عمر90سال ،نسرین بی بی زوجہ عباس ملک عمر 50 سال کے نام شامل ہیں