فیفاورلڈکپ: آخری مرحلے میں“الریحلہ” کی جگہ “الحلم” فٹبال استعمال ہوگی

الحلم فٹبال  بھی الریحلہ کی طرح ماحول دوست ہے اور اس کی تیاری کے لیے پانی پر مبنی سیاہی اور گلیو استعمال کی گئی۔ اس میں الریحلہ کی طرح سنسر بھی نصب ہیں۔

الریحلہ فٹبال فیفا ورلڈکپ میں استعمال ہونے والی پہلی اسمارٹ فٹبال تھی جس کے اندر ایسے سنسر نصب تھےجس سے ویڈیو ریفریز کو ٹریکنگ اور فیصلے کرنے میں مدد ملی۔

الحلم عربی زبان کا لفظ ہے جس کا مطلب خواب ہے جبکہ الریحلہ کا مطلب سفر تھا۔ دونوں فٹبال اپنے نام کے حساب سے ورلڈ کپ کے مراحل کی بھی عکاسی کرتی ہیں۔

فیفا کا کہنا ہے کہ  الحلم  کا رنگ الریحلہ سے مختلف ہے اور یہ گولڈن رنگ کی فٹبال  ہے۔ اس کا رنگ میزبان ملک قطر کے صحرا اور فیفا ورلڈکپ ٹرافی کی  منساب سے گولڈ رکھا گیا ہے۔

واضح رہے کہ ایونٹ کا سیمی فائنل مرحلہ14 دسمبر سے شروع ہو گا۔ پہلے سیمی فائنل میں ارجنٹائن اور کروشیا میں مقابلہ ہو گا۔ دوسرے سیمی فائنل میں دفاعی چیمپئن فرانس اور مراکش مدمقابل ہوں گے۔ ورلڈکپ کا فائنل 18 دسمبر کو کھیلا جائے گا۔