نویں جماعت کےامتحانی فارم لیٹ فیس کے ساتھ جمع کرانے کا نیا شیڈول جاری

کراچی(اسٹاف رپورٹر) جماعت نہم سائنس و جنرل گروپ ریگولر اور پرائیویٹ کے سالانہ امتحانی فارم سال 2023کے جمع کرانے کی تاریخوں میں لیٹ فیسوں کے ساتھ نیا شیڈول جاری کردیا گیا

ثانوی تعلیمی بورڈکراچی کے اعلامیہ کے مطابق چیئرمین میٹرک بورڈ سید شرف علی شاہ نے بتایا کہ اسکولوں میں موسم سرما کی تعطیلات کے باعث یہ فیصلہ کیا گیا ہے۔

نئے شیڈول کے مطابق امتحانی فارم لیٹ فیس کے ساتھ19دسمبر سے26 دسمبر تک 200 روپے، 27دسمبر سے9 جنوری 2023تک500 روپے، 10جنوری سے16جنوری تک800 روپے،17 جنوری سے 23جنوری تک 1200 روپے، 24جنوری سے 30جنوری تک 1500 روپے، 31جنوری سے 6فروری تک 1800 روپے اورآخری تاریخ گزرنے کے بعد2500 روپے لیٹ فیس کے ساتھ امتحانی فارم جمع کئے جائیں گے۔