پاکستان میں داخل 3 افغان باشندوں سے بھاری منشیات برآمد

کراچی(اُمت نیوز)اینٹی نارکوٹکس فورس نے طورخم بارڈر کے راستے پاکستان میں داخل ہونیوالے 3 افغان باشندوں کے قبضے سے بھاری مقدار میں منشیات برآمد کر لی ہیں
ترجمان اے این ایف کا کہنا ہے کہمنشیا ت اسمگلنگ کی کوشش اے این ایف اور ایف سی کی مشترکہ کارروائی سے نا کام بنائی گئی ہے۔
اینٹی نارکوٹکس فورس کے ترجمان کے مطابق 3 افغان باشندوں کے قبضے سے 36 کلو 500 گرام آئس، 8 کلو 580 گرام مشکوک مواد اور 7 کلو گرام ہیروئن منشیات برآمدہوئی ہے ،
ملزمان حیدر خان، عصمت اللّٰہ اور ساتھی کو گرفتار کر کے انسدادِ منشیات ایکٹ کے تحت مقدمہ درج کیا گیا ہے