ضلع کرم میں 2دہشت گرد مارے گئے،3فوجی جوان شہید

خیبر پختونخوا کے ضلع کرم کے علاقے اراوالی میں دہشت گردوں اور سکیورٹی فورسز کے درمیان فائرنگ کا تبادلے میں دو دہشت گرد مارے گئے۔  پاک فوج کے 3 جوان شہید ہوگئے۔

انٹرسروسز پبلک ریلیشنز (آئی ایس پی آر) کے مطابق ہلاک  دہشت گردوں سے ہتھیار اور گولہ بارود برآمد ہوا ہے۔

آئی ایس پی آر کا کہنا ہے کہ مارے گئے دہشت گرد سکیورٹی فورسز کےخلاف دہشت گردی میں ملوث تھے۔

آئی ایس پی آر کے مطابق شدید فائرنگ کے تبادلے میں پاک فوج کے 3 جوان شہید ہوئے جن میں صوبیدار شجاع محمد، نائک محمد رمضان اور سپاہی عبدالرحمان شامل ہیں۔

آئی ایس پی آر نے بتایا کہ سکیورٹی فورسز کا علاقے میں کلیرنس آپریشن جاری ہے، پاک فوج دہشت گردی کی لعنت کے خاتمے کیلئے پر عزم ہے، بہادر جوانوں کی قربانیاں ہمارے عزم کو مزید مضبوط کرتی ہیں