پیرچناسی میں پھنسے 50سےزائدسیاحوں کو بحفاظت نکال لیاگیا

مظفرآباد(امت نیوز)آزاد کشمیر کے علاقے پیر چناسی میں برفباری کے دوران پھنسنے والےخواتین اور بچوں سمیت پچاس سے زائد سیاحوں کو نکال کر محفوظ مقام پر منتقل کردیا گیا۔پھنسنے والےسیاحوں میں کراچی کی فیملیز بھی شامل تھیں

ڈپٹی کمشنر مظفر آباد نے بتایا کہ پیر چناسی کے مقام پر سیاحوں کی تیس سے زائد گاڑیاں پھنس گئی تھیں، اطلاع ملتے ہی پولیس اور امدادی ٹیموں  کو موقع پر روانہ کیا گیا۔ ضلعی انتظامیہ کے مطابق  پیرچناسی میں پھنسے پچاس کے قریب سیاحوں کو بحفاظت نکال لیا گیا

حکام کے مطابق کچھ سیاحوں کو پیدل سراں ریسٹ ہاؤس اور باقیوں کو ڈنہ پہنچایا گیا جبکہ دیگر کو جلد محفوظ مقام پر پہنچا دیا جائے گا۔ مشکل کا سامنا کرنے والے سیاحوں میں کراچی سے جانے والی فیملیز بھی شامل ہیں۔

۔ کسی بھی ہنگامی صورت حال سے نمٹنے کے لیے سیاحتی مقام پر ریسکیو اہلکاروں کو تعینات کیا گیا ہے۔