3شہروں سے5دہشت گرد گرفتار

لاہور (امت نیوز)انسداد دہشت گردی ڈیپارٹمنٹ نے مختلف چھاپہ کارروائیوں میں تین شہروں سے پانچ دہشت گرد گرفتار کرنے کا دعویٰ کیا ہے

میڈیارپورٹس کے مطابق گرفتار دہشت گرد حساس اضلاع میں دہشت گردی کی منصوبہ بندی مکمل کرچکے تھے

گرفتار ملزمان میں کالعدم القاعدہ  کا اہم کمانڈر بھی شامل ہے ۔ دہشت گردوں سے خود کش جیکٹ بنانے کا سامان ، بارودی مواد ، اسلحہ اور ممنوعہ لٹریچر بھی برآمد ہوا ہے۔

دہشت گردوں کی شناخت فاروق شاہ ، سیف اللہ ، سید شاہ زیب ، احمد خان ، اسرار احمد کے نام سے ہوئی ہے۔

سی ٹی ڈی نے رواں ہفتے 504 کومبنگ آپریشنز میں 21 ہزار سے زائد افراد کو چیک کیا اور 153 مشتبہ افراد کی گرفتاری عمل میں لائی گئی۔

انسداد دہشت گردی ڈیپارٹمنٹ حکام کے مطابق کارروائیوں کے دوران 67 بازیابیاں بھی کی گئیں۔