آرمی چیف کی سعودی وزیردفاع سے ملاقات،دفاعی تعاون بڑھانے پرغور

ریاض:آرمی چیف  سعودی عرب پہنچ گئے،  سعودی وزیردفاع سے ملاقات میں تعاون بڑھانے پر اتفاق۔تفصیلات کے مطابق آرمی چیف سید عاصم منیر سعودی عرب کے دورے پر ریاض پہنچ گئے جہاں انہوں نے سعودی وزیر دفاع شہزادہ خالد بن سلمان  سے ملاقت کی ، ملاقات پاک سعودی فوجی اور دفاعی تعاون بڑھانے پر اتفاق کیا گیا۔

ملاقات کے دوران دونوں برادر ملکوں کے دوطرفہ تعلقات کی مضبوطی اور پائیداری پر زور دیا گیا، فوجی اور دفاعی تعاون، انہیں بڑھانے اور سپورٹ دینے کے طریقوں پر تبادلہ خیال کیا گیا جبکہ مشترکہ تشویش کے اہم ترین علاقائی اور بین الاقوامی امور پر بھی بات چیت کی گئی۔

سمو وزير الدفاع يلتقي رئيس أركان الجيش الباكستاني.https://t.co/9z16Pp7cT4#واس_عام pic.twitter.com/aBF261JnNK

— واس العام (@SPAregions) January 4, 2023

ملاقات میں چیف آف اسٹاف میجر جنرل محمد عرفان سمیت دیگراعلیٰ حکام بھی شریک تھے ۔سعودی وزیر دفاع نے سید عاصم منیر کو آرمی چیف بننے پر مبارکباد بھی پیش کی۔ملاقات میں سعودی وزیر دفاع شہزادہ خالد بن سلمان نے پاک سعودی دو طرفہ تعلقات کو مضبوط بنانے پر زور دیا۔