اوور لوڈنگ کرنے پرایک ماہ قید،5000 جرمانہ ہو گا۔ آئی جی موٹر ویز

لاہور:آئی جی موٹرویز اوور لوڈنگ کرنے والے گاڑی مالکان اور ڈرائیورز کو خبر دارکیا ہے کہ وہ اوور لوڈنگ سے اجتناب کریں۔ دوسری جانب آئی جی موٹرویز خالد محمود کی ہدایت پر اوور لوڈ گاڑیوں کے خلاف کریک ڈاؤن کا آغازکردیا گیا ہے۔

نیشنل ہائی ویز سیفٹی آرڈیننس 2000 کی دفعہ 43، شیڈیول 6 میں درج حد وزن کی خلاف ورزی کی صورت میں اوور لوڈ گاڑیوں کے خلاف کاروائی ہو گی۔

خلاف ورزی کی صورت میں نیشنل ہائی ویز سیفٹی آرڈیننس 2000 کی دفعہ 75 کے تحت ایک ماہ تک قید اور ایک ہزار سے پانچ ہزار روپے تک جرمانہ کیا جا سکتا ہے۔

انتباہ! pic.twitter.com/bSOONFh7hu

— National Highways & Motorway Police (NHMP) (@NHMPofficial) January 9, 2023

آئی جی موٹرویز خالد محمود نے تمام ٹرانسپورٹرز اور مل مالکان کو متنبہ کیا کہ مال بردار گاڑیوں پر پر لوڈنگ کے وقت حد وزن سے تجاوز نہ کریں۔ جبکہ خلاف ورزی کرنے والوں کے خلاف فوری ایکشن لیا جائے گا۔