تحریک انصاف کے 2 ارکان اسمبلی کو شوکاز نوٹس جاری

لاہور: تحریک انصاف نے وزیراعلیٰ پنجاب کے اعتماد کے ووٹ کے دوران غیر حاضر رہنے والے ان 5 اراکین کیخلاف کارروائی کے فیصلے کا عندیہ دیا تھا، اور آج دو ارکان پنجاب اسمبلی کو شوکاز نوٹس جاری کردیا گیا ہے۔

پنجاب اسمبلی میں تحریک انصاف کے 5 اراکین نے وزیراعلیٰ پرویزالہٰی پر عدم اعتماد کا اظہار کیا تھا، اوراعتماد کے لئے ہونے والی ووٹنگ میں حصہ ہی نہیں لیا تھا۔

ذرائع کا کہنا ہے کہ جن ارکان کے خلاف تحریک انصاف کی جانب سے انضباطی کارروائی شروع کی گئی ہے ان میں چوہدری فیصل فاروق چیمہ اور مومنہ وحید شامل ہیں، جنہیں شوکاز نوٹس جاری کردیا گیا ہے۔