قومی آل راؤنڈر شاداب خان نے نکاح کرلیا

لاہور(اُمت نیوز) قومی آل رائونڈر شاداب خان نے سماجی رابطے کی ویب سائٹ ٹویٹر پر اپنی ٹوئٹ پر نکاح کا اعلان کرتے ہوئے کہا ہے کہ الحمد اللہ آج میرا نکاح تھا
میرے لیے آج کا دن زندگی کا سب سے بڑا دن تھا۔میری زندگی میں آج ایک نئے باب کااضافہ ہوگیا ہے۔ برائے مہربانی میرے انتخاب اور میری اہلیہ و ہمارے خاندان کا احترام کریں۔ آپ سب کیلئے دعائیں اور ڈھیر سارا پیار۔‘
اپنی ٹوئٹ میں انہوں نے کہا کہ میں پاکستان کرکٹ ٹیم کے سابق ہیڈ کوچ ثقلین مشتاق کے خاندان کاحصہ بن رہا ہوں ،
میں اپنی نجی زندگی کو علیحدہ رکھنا چاہتا ہوں، میری فیملی نے بھی اسی عمل کو ترجیح دی ہے، میری آپ سب سے گزارش ہے کہ میری اہلیہ اور ہمارے خاندان کی چوائس کا احترام کریں
ہا ں اگر آپ سلامی بھیجنا چاہتے ہیں تو میں اکاؤنٹ نمبر بھیج دوں گا۔‘
اس سے قبل پاکستانی کرکٹرز شان مسعود اور حارث رؤف بھی حال ہی میں شادی کے بندھن میں بندھے ہیں
جبکہ فاسٹ بولر شاہین شاہ آفریدی کی شادی بھی اسٹار آل راؤنڈر شاہد خان آفریدی کی بیٹی کے ساتھ رواں برس فروری میں طے ہے۔