کامران اکمل کوجونیئر سلیکشن کمیٹی کے سربراہ مقررکردیا گیا

لاہور(اُمت نیوز) پی سی بی نےکامران اکمل کو جونیئر سلیکشن کمیٹی کا سربراہ مقرر کردیا ہے ۔
تفصیلات کے مطابق پاکستان کرکٹ بورڈ نے ڈسٹرکٹ او ر ریجنل جونیئر ٹیموں کے انتخاب کیلئے 8رکنی سلیکشن کمیٹی بنا دی ہے۔
کامران اکمل کو اس جونیئر سلیکشن کمیٹی کا سربراہ مقرر کیا گیا ہے، جونیئر سلیکشن کمیٹی انڈر 13، انڈر 16 اور انڈر 19 پلیئرز کا انتخاب کرے گی۔
سہیل تنویر، عامر نذیر، فیصل اطہر، قیصر عباس، تیمور خان اور جنید خان سلیکشن کمیٹی کے دیگر ارکان میں شامل ہیں۔