پنجاب کے نگراں وزیرکھیل کو ایک ہی اوور میں 6 چھکے پڑ گئے

کوئٹہ: پاکستان سپر لیگ (پی ایس ایل) کے آٹھویں سیزن کے کوئٹہ میں جاری نمائشی میچ میں گلیڈی ایٹرزکے بلےبازافتخار احمد نے پنجاب کے نگراں وزیرکھیل وہاب ریاض کے ایک ہی اوور میں 6 چھکے جڑدیے۔

کوئٹہ کے بگٹی کرکٹ اسٹیڈیم میں کھیلے گئے میچ میں پشاور زلمی کے کپتان بابراعظم نے ٹاس جیت کر پہلے فیلڈنگ کرنے کا فیصلہ کیا، ابتدا میں کوئٹہ کی ٹیم جلد وکٹیں گنوا بیٹھی تاہم خوشدل اور افتخار نے شاندار کھیل کا مظاہرہ کرتے ہوئے 20 اوورز میں 185 رنز کا ہدف دینے میں کامیاب رہی۔

6️⃣ sixes in an over 🤯#IftiMania continues! 😎🔥#PurpleForce #QGvPZ pic.twitter.com/369uETmpnO

— Quetta Gladiators (@TeamQuetta) February 5, 2023

افتخار احمد نے نمائشی میچ کے 19 ویں اوور میں پنجاب کے وزیر کھیل وہاب ریاض کو ایک اوور میں 6 چھکے لگائے جس کی ویڈیو سوشل میڈیا پر وائرل ہورہی ہے۔