عمران خان پنجاب میں ہیلتھ کارڈ اسکیم ختم کیے جانے پر برہم

لاہور: تحریک انصاف (پی ٹی آئی) کے چئیرمین عمران خان نے وفاق کی جانب سے پنجاب میں ہیلتھ کارڈ اسکیم ختم کیے جانے پر شدید ردعمل کا اظہار کیا ہے۔

عمران خان کا کہنا ہے کہ وہ پنجاب ہیلتھ کارڈ اسکیم بلاک کیے جانے کی پُرزور مذمت کرتے ہیں۔

ٹوئٹر پر جاری اپنے پیغام میں عمران خان نے لکھا کہ پنجاب ہیلتھ کارڈ اسکیم آبادی کی اکثریت کے لیے ایک نعمت تھی، خاص طور پر ایسے وقت میں جب کمر توڑتی مہنگائی ان کی پوری کمائی ہضم کر رہی ہے۔

I strongly condemn the blocking of Punjab health card scheme which was a blessing for the vast majority of the population, especially given the crushing inflation eating into their earnings.https://t.co/9DGHT3N4Ep

— Imran Khan (@ImranKhanPTI) February 6, 2023

انہوں نے مزید لکھا کہ نجی شعبہ صحت اس انشورنس کی وجہ سے دیہی علاقوں میں ہسپتال قائم کر رہا تھا۔ اس پورے منصوبے کو صحت کے معروف جریدے لانسیٹ نے بھی سراہا۔ اسے ختم کرنا ان دو کرپٹ خاندانی جماعتوں کی گھٹیا ذہنیت کی عکاسی کرتا ہے۔