پرویز مشرف کا جسد خاکی کراچی پہنچ گیا

کراچی(اُمت نیوز)سابق صدر پاکستان اور ریٹائر ڈ جنرل پرویز مشرف کی میت لے کر خصوصی طیارے دبئی سے کراچی پہنچ گیا ہے۔
دبئی سے آنے والے طیارے کا کال سائن ایم ایل ایم 567 تھا۔

آل مکتوم انٹرنیشنل ائیرپورٹ دبئی سے پرویز مشرف کا جسد خاکی مقامی وقت کے مطابق شام 7 بج کر 12 منٹ پر روانہ ہوا تھا
خصوصی طیارے میںپرویز مشرف کی اہلیہ صہبا، بیٹا بلال اور بیٹی بھی اس خصوصی طیارے میں ساتھ آئی ہیں۔پرویز مشرف کی نماز جنازہ کل دوپہر کراچی میں ادا کی جائے گا
واضح رہے کہ سابق صدر اور آرمی چیف جنرل ریٹائرڈ پرویز مشرف79برس کی عمر میں اتوار کی صبح دبئی میں انتقال کر گئے تھے
پرویز مشرف ایمیلوئیڈوسس جیسی بیماری میں مبتلا تھے اور 18 مارچ 2016ء سے دبئی کے امریکی اسپتال میں زیرِ علاج تھے۔

ذرائع کے مطابق سابق صدر کی نمازجنازہ کل دوپہر ایک بج کر 45 منٹ پر کراچی میں ادا کی جائے گی، ان کی نمازجنازہ پولوگراؤنڈ ملیر کینٹ میں ادا کی جائے گی۔