قوم لاہور ہائیکورٹ کے فیصلے کو سراہتی ہے،عمران خان

لاہور(امت نیوز)پاکستان تحریک انصاف کے چیئرمین عمران خان نےکہاہے کہ قانون کی حکمرانی کے بغیر جمہوریت کا تصور محال ہے، مضبوط، آزاد اور معتبر عدالتی نظام قانون کی حکمرانی یقینی بناتا اور دستور کی حفاظت کرتا ہے

لاہور ہائیکورٹ کے90 روز میں الیکشن کرانے کے فیصلے کو سراہتے ہوئے سابق وزیراعظم نے ٹوئٹ کیا کہ قوم انتخابات سے متعلق لاہور ہائیکورٹ کے فیصلے کو سراہتی ہے، آئین کی بالادستی کیلئے قوم عدلیہ کی پشت پر کھڑی ہے۔

قانون کی حکمرانی کےبغیرجمہوریت کا تصور ہی محال ہےاور ایک مضبوط،آزاد اور معتبر عدالتی نظام قانون کی حکمرانی یقینی بناتا،دستور کی حفاظت کرتاہے۔قوم انتخابات کےحوالے سے LHCکےفیصلے کی تحسین کرتی اور آئین کی بالادستی+نظامِ عدل سےوابستہ امیدیں زندہ کرنےکیلئےعدلیہ کی پُشت پرکھڑی ہے

— Imran Khan (@ImranKhanPTI) February 11, 2023

واضح رہے کہ گزشتہ روز لاہور ہائیکورٹ نے الیکشن کمیشن کو پنجاب میں 90 روز میں انتخابات کرانے کا حکم دیا۔

پنجاب میں الیکشن کی تاریخ کیلئے درخواست پر محفوظ کیا گیا فیصلہ لاہور ہائیکورٹ نے سنایا تھا۔

فیصلے کے مطابق عدالت نے الیکشن کمیشن کو انتخابات کا اعلان کرنے کی ہدایت کی تھی۔