ترکیہ میں زلزلے کے دوران نرسوں کی فرض شناسی،وڈیو وائرل

انقرہ (انٹرنیشنل ڈیسک) ترکیہ میں قیامت خیز زلزلے کے دوران اسپتال میں نرسوں نے جان کی پروا کئے بغیر انتہائی فرض شناسی کا مظاہرہ کیا اور بھاگنے کے بجائے انتہائی نگہداشت کے وارڈ میں نوزائیدہ بچوں کو بچانے کی کوشش کی ۔ جس کی ویڈیو سوشل میڈیا پر خوب وائرل ہورہی ہے

ترک میڈیا کے مطابق گازیانٹیپ کے ایک اسپتال کے سی سی ٹی وی کیمرے میں احساس ذمہ داری اور جذبہ ہمدری کی انمول ویڈیو ریکارڈ ہوگئی جس میں دیکھا جا سکتا ہے کہ دو نرسیں اپنی جانوں کی پروا کیے بغیر بچوں کی حفاظت میں مصروف ہوگئیں

Sağlıkçılarımız şahane insanlar👏#GaziantepBüyükşehir İnayet Topçuoğlu Hastanemiz yenidoğan yoğun bakım ünitesinde, 7.7'lik #deprem esnasında minik bebekleri korumak için Hemşire Devlet Nizam ve Gazel Çalışkan tarafından gösterilen gayreti anlatacak kelime var mı?

🌹🌼💐👏👏👏 pic.twitter.com/iAtItDlOwb

— Fatma Şahin (@FatmaSahin) February 11, 2023

ویڈیو میں دیکھا جا سکتا ہے کہ جب زلزلے سے اسپتال کی عمارت ایک منٹ تک لرزتی رہی تو ڈیوٹی پر موجود ڈیولٹ نظام اور گزول کالسکان نامی نرسوں نے بچوں کے انکیبیوٹرز کو گرنے سے بچایا

اگر یہ نرسیں چاہتی تو خود کو بچانے کے لیے اسپتال سے بھاگ سکتی تھیں لیکن انھوں نے انکیبیوٹرز میں موجود بچوں کی فکر کی اور ان کی حفاظت کا انتظام کیا۔

سوشل میڈیا پر ان نرسوں کی فرض شناسی کو سراہا جا رہا ہے۔