سنچری بنانے پر بہت خوش ہوں، منیبہ علی

کیپ ٹائون(اُمت نیوز)  آئی سی سی ویمنز ٹی 20 ورلڈکپ میں    اولین سنچری بنانے والی منیبہ علی کا کہنا ہے کہ سنچری بنانے پر بہت خوش ہوں، پلان کے مطابق بیٹنگ کی۔
قومی ویمنز ٹیم کی وکٹ کیپر بیٹر کا کہنا تھا کہ وہ اچھی اننگز کے لیے پُر اعتماد تھیں، ٹیم آئرلینڈ کے خلاف اچھا اسکور کرنے میں کامیاب ہوئی۔
منیبہ علی نے کہا کہمیرا پسندیدہ اسٹروک ایکسٹرا کور پر کھیلنا ہے،بغیر کسی دباؤ کے آج میں نے اپنی بیٹنگ کو انجوائے کیا جس کی وجہ سے سنچری اسکور کی۔
واضح رہے کہ پاکستانی کرکٹر منیبہ علی نے آئر لینڈ کے خلاف میچ میں تاریخ رقم کردی، ویمنز ٹی ٹوئنٹی انٹرنیشنلز اور ویمنز ورلڈ کپ میں پاکستان کی طرف سے سنچری اسکور کرنے والی پہلی کھلاڑی بن گئی ہیں۔