وزیراعظم شہبازشریف کا ترکیہ میں زلزلہ زدہ علاقوں کا دورہ

انقرہ(امت نیوز)وزیراعظم شہباز شریف نے ترکیہ کے زلزلے سے متاثرہ علاقوں کا دورہ کیا۔اس موقع پر انہوں نے ترک عوام کو مشکل کی اس گھڑی میں ہرممکن تعاون کی یقین دہانی کرائی

وزیراعظم شہباز شریف آج انقرہ سے زلزلے سے متاثرہ علاقے آدیامان پہنچے جہاں انہوں نے پاکستان کی طرف سے ترکیہ کے زلزلہ متاثرین کے لیے بھیجا گیا امدادی سامان ترک حکام کے حوالے کیا۔

وزیرِ اعظم کی آدیامان میں پاکستانی ریسکیو ٹیموں سے بھی ملاقات۔

وزیرِ اعظم نے پاک فوج اور ریسکیو 1122 کے اہلکاروں کی امدادی کاروائیوں کو سراہا۔#PakistanStandsWithTürkiye 🇵🇰🇹🇷 pic.twitter.com/plKkoymXDm

— Government of Pakistan (@GovtofPakistan) February 17, 2023

اس موقع پر میڈیا سے گفتگو کرتے ہوئے وزیراعظم شہباز شریف کا کہنا تھا مشکل کی اس گھڑی میں اپنے ترک بھائیوں کی ہر ممکن مدد کریں گے، ترکیہ نے بھی ہر مشکل وقت میں پاکستان کا ساتھ دیا ہے، ترکیہ پاکستان کا دیرینہ دوست ہے۔

ترک ٹی وی کو انٹرویو میں وزیر اعظم کا کہنا تھا کہ ترکیہ میں آنے والا زلزلہ تاریخ کا شدید ترین زلزلہ تھا لیکن ترک قوم بہت بہادر اور عظیم ہے۔

”میری عالمی برادری، او آئی سی، اقوامِ متحدہ اور تمام انسانی ہمدردی کی تنظیموں سے اپیل ہے کہ ترکیہ کے لوگوں کی مدد کیلئے اپنا بھرپور کردار ادا کریں“

~ وزیرِ اعظم شہباز شریف#PakistanStandsWithTürkiye 🇵🇰🇹🇷 pic.twitter.com/vEaEVtwtF0

— Government of Pakistan (@GovtofPakistan) February 17, 2023

ان کا کہنا تھا میری عالمی برادری، او آئی سی، اقوامِ متحدہ اور انسانی حقوق کے لیے کام کرنے والی تنظیموں سے اپیل ہے کہ ترکیہ کے لوگوں کی مدد کے لیے اپنا بھرپور کردار ادا کریں