پی ایس ایل 8میں کراچی کنگزکی پہلی کامیابی، لاہور قلندرز کو67رنزسے شکست

کراچی (اسپورٹس ڈیسک) کراچی کنگز نےپی ایس ایل 8 میں اپنی پہلی کامیابی سمیٹ لی ۔ لاہور قلندرز کو ۔۔۔ رنز سے شکست دے دی ۔لاہور قلندرز کی ٹیم 186رنز ہدف کے تعاقب میں 118 رنز پر ڈھیر ہوگئی
فخر زمان 12، مرزا بیگ 45، کریم غلام 12 اور سکندر رضا18 رنز بنا کر نمایاں رہے
کراچی کنگز کے عاکف جاوید نے لاہور قلندرز کے 4کھلاڑیوں کو پویلین کی راہ دکھائی ،عامر یامین نے دو وکٹیں حاصل کی ۔ عماد وسیم اور محمد عامر ایک ایک وکٹ لے سکے
اس سےقبل لاہور قلندرز نے ٹاس جیت کر کراچی کنگزکو بیٹنگ کی دعوت دی ۔
کراچی کنگز کو شاندار اوپنگ ملی اور میتھیو ویڈ، جیمز ونس نے پہلی وکٹ کی شراکت میں 70 رنز جوڑے، جس کے بعد میتھیو ویڈ رن لینے کے چکر میں کامران حیدر کی تھرو پر کیپر کے ہاتھوں 36 رنز بنا کر رن آؤٹ ہوئے۔ دوسرے آؤٹ ہونے والے کھلاڑی حیدر علی تھے جنہیں 19 رنز پر ڈاؤسن نے پویلین کی راہ دکھائی۔
اس کے بعد شعیب ملک 120 کے مجموعی اسکور پر آؤٹ ہوئے پھر چار رنز اضافے کے بعد جیمز ونس 46 رنز بنا کر پویلین لوٹے۔ بعد ازاں بین کٹنگ نے کپتان عماد وسیم کے ساتھ مل کر اسکور کو 176 تک پہنچایا تو شاہین آفریدی نے بین کٹنگ کو اپنا شکار بنا لیا۔
کراچی کنگز نے مقررہ بیس اوورز میں پانچ وکٹوں کے نقصان پر 185 رنز بنائے، جیمز 46 جبکہ کپتان عماد وسیم 35 رنز ناٹ آؤٹ کے ساتھ نمایاں بلے باز رہے، لاہور قلندرز کے شاہین آفریدی، حارث رؤف، زمان خان اور لیام ڈاسن نے ایک ایک وکٹ حاصل کی۔