افتخار احمد کی سرفراز کے بیٹے کیساتھ کرکٹ کھیلنے کی ویڈیو وائرل

کراچی (اُمت نیوز) پی ایس ایل فرنچائز کوئٹہ گلیڈی ایٹرز کے کپتان سرفراز احمد کے بیٹےکیساتھ افتخار احمدکی کرکٹ کھیلنے کی ویڈیو سوشل میڈیا پر وائرل ہوگئی ہے۔
تفصیلات کے مطابق ویڈیو میں دیکھا جاسکتا ہے کہ افتخار احمد سرفراز احمد کے بیٹے کی بولنگ کا سامنا کررہے ہیں اور انہیں بولنگ بھی کرا رہے ہیں۔
کراچی میں افتخار احمد نے ساتھی کرکٹرز کے بچوں کے ساتھ ہوٹل کوریڈور میں کرکٹ کھیلی۔
اس سے قبل کوئٹہ گلیڈی ایٹرز کے کپتان سرفراز احمد نے کینسر سے متاثرہ بچوں سے ملاقات کی ہے۔
کوئٹہ گلیڈی ایٹرز کے آل راؤنڈر محمد نواز، محمد حفیظ، نسیم شاہ اور افتخار احمد نے بھی کینسر سے متاثرہ بچوں سے ملاقات کی۔
بچوں نے کرکٹ اسٹارز کو اپنے درمیان دیکھ کر خوشی کا اظہار کیا اور اُن کے ہمراہ تصویریں بنوائیں۔

📹 | 𝑪𝒓𝒊𝒄𝒌𝒆𝒕 𝒘𝒊𝒕𝒉 𝒍𝒊𝒕𝒕𝒍𝒆 𝑮𝒍𝒂𝒅𝒊𝒂𝒕𝒐𝒓𝒔 💜

Little Abdullah Sarfaraz giving some competition to @IftiAhmed221 😎#PurpleForce #ShaanePakistan #WeTheGladiators pic.twitter.com/q2Kp25NsN9

— Quetta Gladiators (@TeamQuetta) February 24, 2023