دنیاپور: آئل ٹینکر حادثے میں 8 افراد جاں بحق

دنیاپور(اُمت نیوز)دنیا پورآئل ٹینکر حادثے میں 8 افراد جاں بحق ہوگئے ہیں ۔
تفصیلا ت کے مطابق حادثہ علی الصبح دنیا پور میں پیش آیاہے۔ آئل ٹینکر ٹائر پھٹنے سے بے قابو ہو کر سڑک کنارے خانہ بدوشوں کی جھگیوں میں جاگھسا
حادثے میں زخمی 6 سالہ بچی دم توڑ گئی ہے۔۔ حادثے میں جاں بحق افراد کی تعداد 8 ہوگئی۔
پولیس کے مطابق علی الصبح دنیاپور میں ٹائر برسٹ ہونے سے آئل ٹینکر بے قابو ہو کر سڑک کنارے خانہ بدوشوں کی جھگیوں میں جا گھسا تھا۔
حادثے میں 2 خواتین اور بچوں سمیت 7 افراد موقع پر جاں بحق ہوگئے تھے، جبکہ 2 خواتین اور بچوں سمیت 4 افراد شدید زخمی ہوئے۔
زخمیوں کو دنیاپور اسپتال منتقل کردیا گیا تھا۔ جہاں زیرعلاج 6 سالہ بچی دم توڑ گئی اور حادثے میں جاں بحق افراد کی تعداد 8 ہوگئی۔
پولیس نے حادثے کا مقدمہ اپنی مدعیت میں درج کرلیا۔ ڈرائیور حادثے کے بعد ٹینکر چھوڑ کر فرار ہو گیا۔ پولیس کے مطابق ڈرائیور کی گرفتاری کی کوشش کررہے ہیں