امریکی ریاست ٹیکساس میں فائرنگ سے نو طلبا زخمی ہوگئے

اسلام آباد(امت نیوز) امریکی ریاست ٹیکساس میں فائرنگ سے نو طلبا زخمی ہوگئے ۔ غیر ملکی میڈیا رپورٹس کے مطابق امریکی ریاست ٹیکساس میں گھر میں ہائی اسکول طلبا کی پارٹی کے بعد فائرنگ کا واقعہ پیش آیا ہے، فائرنگ کے نتیجے میں نو طلبا زخمی ہوگئے۔

جیسپرپولیس نے بتایا کہ ایک گھر میں ہائی اسکول کے طلبا کی پارٹی کے بعد فائرنگ کا واقعہ پیش آیا، جس میں نو طلبا زخمی ہوگئے، تاہم پولیس حکام نے فائرنگ کرنے والوں کی تعداد اور شناخت ظاہر نہیں کی۔

رپورٹس کے مطابق زخمی ہونے والوں کی عمریں پندرہ سے انیس سال ہیں، جبکہ پولیس نے تفتیش شروع کردی ۔ یاد رہے کہ ایک ہفتہ قبل الاباما میں سالگرہ پارٹی میں فائرنگ سے چار افراد ہلاک ہوئےتھے ۔