پشاور میں دہشت گردی کا خطرہ، تھریٹ الرٹ جاری

پشاور(امت نیوز)نیشنل کاؤنٹر ٹیررازم اتھارٹی (نیکٹا) نے دہشت گردی کے خطرات کے پیش نظرپشاور کے لیے تھریٹ الرٹ جاری کردیا۔ اعلامیے میں بتایا گیا ہے کہ ذرائع سے معلوم ہوا ہے کہ دہشت گردوں نے آنے والے دنوں میں پشاور کے تھانوں، پولیس چوکیوں اور دیگر پولیس دفاتر کو نشانہ بنانے کا منصوبہ بنایا ہے۔

ٹھریٹ الرٹ میں مزید بتایا گیا ہےے کہ دہشت گردوں نے مذکورہ سرگرمی کے لیے 80/90 پولیس یونیفارم خریدے ہیں۔ قوی امکان ہے کہ یہ دہشت گرد پولیس کی آڑ میں حملہ کریں گے۔ مزید انکشاف کیا گیا ہے کہ حملہ پشاور کینٹ میں ہوسکتا ہے۔ براہ کرم، پولیس وردی میں کسی دوسرے ادارے پر حملے کو خارج از امکان قرار نہیں دیا جا سکتا۔