کندھکوٹ میں چیک پوسٹ پر ڈاکوؤں کا حملہ- اہلکار شہید

تنگوانی ( اُمت نیوز) کندھکوٹ میں ڈاکو ایک بار پھر پولیس پر وار کرنے میں کامیاب ہوگئے، تنگوانی کی اکبر باجکانی چیک پوسٹ حملے اہلکار شہید اور 2 زخمی ہوگئے، ملزمان اہلکاروں کا اسلحہ بھی ساتھ لے گئے۔ تفصیلات کے مطابق تنگوانی تھانے کی پولیس چیک پوسٹ اکبر باجکانی پر ڈاکوؤں نے حملہ کر کے اندھا دھند فائرنگ کر دی، جس کے نتیجے میں ہیڈ کانسٹیبل علی محمد ملک شہید پولیس اہلکار عبداللہ، احد ملک شدید زخمی ہوگئے۔ ڈاکو پولیس اہلکاروں کا اسلحہ بھی اپنے ساتھ لے گئے۔ اطلاع ملنے پر پولیس کی بھاری نفری موقع پر پہنچ گئی۔ شہید اہلکار اور زخمی پولیس اہلکاروں کو اسپتال منتقل کردیا گیا ۔ جبکہ پولیس نے کچے کی طرف جانے والے راستوں کی ناکہ بندی کر کے علاقے میں سرچ آپریشن شروع کر دیا ہے ۔ تا ہم ڈاکو فرار ہونے میں کامیاب ہو گئے ۔