چمن میں فائرنگ سے لیویز اہلکار شہید

چمن (امت نیوز)چمن کے علاقے میزئی اڈہ میں نامعلوم مسلح دہشت گردوں کی فائرنگ سے لیویز اہلکار شہید ہوگیا۔

ڈپٹی کمشنر جہانزیب شیخ نے بتایا کہ لیویز اہلکار ڈیوٹی سے گھر جارہا تھا کہ راستے میں دہشت گردوں نے اس کے سر پر گولیاں ماریں جس سے وہ موقع پر شہید ہوگیا۔

ڈپٹی کمشنر کے مطابق اہلکار کا نام نور الحق ولد ملک خیر محمد مسیزئی ہے۔ اسے گھر کے قریب ہی موٹرسائیکل سواروں نے نشانہ بنایا۔

لیویز اور پولیس نے علاقے کی ناکہ بندی کر کے تلاش شروع کر دی۔