ڈی جی آئی ایس پی آر کی پریس کانفرنس پر فردوس عاشق اعوان کا رد عمل

لاہور(امت نیوز) استحکام پاکستان پارٹی کی ترجمان ڈاکٹرفردوس عاشق اعوان نے کہا ہے کہ پاک فوج کے ترجمان لیفٹیننٹ جنرل احمد شریف چودھری کی پریس کانفرنس نے ملک کی دفاعی پالیسی کو واضح کردیا ہے۔

سماجی رابطوں کی ویب سائٹ ٹویٹرپرایک بیان میں ڈاکٹر فردوس عاشق اعوان نے کہا کہ ڈی جی آئی ایس پی آرنے دفاعی پالیسی واضح کردی، فوج نے خوداحتسابی کے عمل سے واضح کیا ملکی سالمیت سے بڑھ کر کچھ نہیں،ادارے میں جرنیل سے لے کر افسر تک پاکستان سے محبت ہی مشترکہ سوچ ہے۔

نو مئی کو جلاو گھراو اور انتشار کے ذمہ داروں کو کیفر کردار تک پہنچانا انتہاٸی ضروری ہے۔ ڈی جی آٸی ایس پی آر کی پریس کانفرنس نے ملک کی دفاعی پالیسی کو واضح کر دیا ہے۔

فوج نے خوداحتسابی کے عمل سے واضح کر دیا ہے کہ پاکستان کی سالمیت سے بڑھ کر کچھ نہیں۔ ادارے میں جرنیل سے لے کر… pic.twitter.com/OzCC5tBVNJ

— Dr. Firdous Ashiq Awan (@Dr_FirdousAwan) June 26, 2023

انہوں نے کہا کہ نومئی کے ذمہ داروں کو کیفر کردار تک پہنچانا انتہائی ضروری ہے،پاکستان سے محبت کی سوچ کے آگے سب کچھ قربان ہے ، انتشار پھیلانے والے کسی نرمی کے مستحق نہیں۔

ڈاکٹر فردوس عاشق اعوان نے کہا کہ استحکام پاکستان کے لے اندورنی حملہ آوروں سے بھی اسی شدت سے نمٹا جائے،ہر محب وطن کی ریڈ ئن پاکستان ہے۔