نواب شاہ ،ملتان ایئر پورٹ کراچی کا متبادل قراردیدیا گیا

نواب شاہ : نواب شاہ ایئر پورٹ کی جگہ ملتان ایئر پورٹ کراچی کا متبادل ائیرپورٹ قرار دے دیا گیا ہے کسی بھی ہنگامی صورتحال میں کراچی ایئر پورٹ پر لینڈ کرنے والی پروازوں کو نواب شاہ ایئر پورٹ پر لینڈ کرایا جاتا تھا۔ ذرائع کے مطابق نواب شاہ ایئرپورٹ کی مسافت پندرہ منٹ جبکہ ملتان ایئرپورٹ کی مسافت پچاس منٹ ہوگی.

ایوی ایشن ذرائع کے مطابق اب نواب شاہ کا کراچی کے متبادل ائیرپورٹ کا درجہ ختم کر دیا گیا ہے اب کسی بھی ہنگامی صورتحال میں کراچی کی پروازوں کو ملتان کا رخ کرنا پڑے گا۔ ایوی ایشن ذرائع کے مطابق کسی بھی ہنگامی صورتحال یا موسم کی خرابی کی صورت میں بھی کراچی کی پروازیں اب نواب شاہ کے بجائے ملتان لینڈ کریں گی.

ترجمان سول ایوی ایشن اتھارٹی نے ملتان ائیرپورٹ کو کراچی کا متبادل ائیرپورٹ کا درجہ دینے کی تصدیق کی ہے۔