کیچ سے 3 افراد کی گولیوں سے چھلنی لاشیں برآمد

کوئٹہ: بلوچستان کے ضلع کیچ کے علاقے مند سے3 افراد کے ہاتھ بندھے گولیوں سے چھلنی لاشیں برآمد ہوئی ہیں۔

ضلع کیچ کے علاقے مند میں ملا چات کے مقام پر لیویز کو سڑک کنارے 3 لاشیں ملی جنہیں شناخت کے لیے سول اسپتال مند منتقل کردیا گیا ہے۔

لیویز ذرائع کے مطابق تینوں افراد کی فوری طور پر شناخت نہ ہو سکی جب کہ ملزمان نے تینوں افراد کو سڑک کنارے فائرنگ کا نشانہ بنایا اور فرار ہوگئے۔

حکام کا کہنا ہے کہ مقتولین کے ہاتھ پیچھے بندھے ہوئے تھے، البتہ لیویز اس سلسلے میں مزید تحقیقات کر رہی ہے۔