لگتا نہیں نواز شریف کو کوئی بڑا ریلیف ملے گا،مرتضیٰ سولنگی

اسلام آباد:  نگران وزیر اطلاعات مرتضیٰ سولنگی نے کہا ہے عدالت کہتی ہےنوازشریف کو گرفتار کر کے جیل بھیجیں تو حکم پر عمل کریں گے،ابھی نہیں لگتا نواز شریف کو کوئی بڑا ریلیف ملے گا، تمام فیصلے ہمیشہ کیلئے نہیں ہوتے بلکہ کچھ تبدیل بھی ہو جاتے ہیں، مستقبل میں کیا ہوگا اس سے متعلق کچھ کہا نہیں جا سکتا۔ نجی ٹی وی کوانٹرویو میں انہوں نے کہا عدالت کے فیصلے اور قانون کے مطابق سابق وزیر اعظم کی واپسی پر فیصلہ کریں گے، ان کو عدالت نے بیرون ملک جانے کی اجازت دی تھی، وہ کوئی ڈیل کر کے گئے تھے یا نہیں اس بارے میں معلوم نہیں، نہیں معلوم چیئرمین پی ٹی آئی کو ٹیکنیکل ناک آؤٹ کیا گیا یا نہیں، چیئرمین پی ٹی آئی کو باہر ہماری حکومت نے نہیں رکھا، ان کو باہر رکھنے کا کام پہلے سے ہی شروع تھا، چیئرمین پی ٹی آئی اسمبلی نہ چھوڑتے تو نگران وزیر اعظم کا انتخاب کوئی اور نہ کرتا،پی ٹی آئی جلسہ کرنا چاہتی ہے تو انہیں اجازت ملنی چاہیے۔