آرمی چیف جنرل عاصم منیر سے سری لنکن آرمی چیف کی ملاقات

آئی ایس پی آر کے مطابق آرمی چیف جنرل سید عاصم منیر سے سری لنکن فوج کےکمانڈر لیفٹیننٹ جنرل ایچ۔ایل۔وی۔ایم لیانج نے ملاقات کی ہے۔ ملاقات میں پیشہ وارانہ دلچسپی کے امور اور دو طرفہ دفاعی تعلقات کو بڑھانے کے طریقوں پر تبادلہ خیال کیا گیا۔ سری لنکن آرمی چیف نے پاک فوج کی پیشہ وارانہ مہارت کی تعریف کی۔

اس موقع پر آرمی چیف جنرل سید عاصم منیر نے کہا کہ سری لنکا کے پاکستان اور مسلح افواج کے ساتھ تاریخی تعلقات ہیں، جس میں خاص طور پر دفاعی اور تربیتی تعاون کے شعبے شامل ہیں۔جی ایچ کیو آمد پر سری لنکن آرمی کے کمانڈر نے یادگار شہدا پر پھول چڑھائے۔ پاک فوج کے چاق و چوبند دستے نے معزز مہمان کو گارڈ آف آنر پیش کیا۔