’’جوتے غریبوں کو دینا‘‘ شہید فلسطینی بچی کی دلخراش وصیت

غزہ: میرے جوتے غریب بچوں کو صاف کرکے دیے جائیں، شہید فلسطینی بچی کی دلخراش وصیت سامنے آگئی۔ گزشتہ دنوں اسرائیل نے غزہ میں ہسپتال پر بمباری کی جس کے نتیجے میں 500 سے زائد فلسطینی شہید ہوگئے، شہدا میں بچی ھیا بھی شامل تھی۔ فلسطینی بچی ھیا کی دلخراش وصیت سامنے آگئی۔ ھیا کی دلخراش وصیت سوشل میڈیا پر وائرل ہوگئی۔ شہید فلسطینی بچی نے سادہ کاغذ پر لکھاکہ میری پاکٹ منی سے45 شیکل میری ماں کو دیے جائیں۔ 5 شیکل میرے بھائی ہاشم اور5 بہن ذینہ کو دیے جائیں۔ 5 شیکل دادی اور 5 پھپھی کو دیے جائیں۔ شہید ’’ھیا ‘‘ نے وصیت کی کہ 5 شیکل خالہ اور5 خالو کو دیے جائیں۔ ھیا نے مزید لکھاکہ میرے کھلونے میری بہن اورسہیلیوں کو دیےجائیں۔میرے کپڑے پھپھی زادبہنوں کو دیے جائیں۔ بچی نے وصیت میں کہا کہ میرے جوتے غریب بچوں کو ملیں، جوتوں کو صاف ضرور کیا جائے ۔