اسٹاک ایکسچینج میں نیا ریکارڈ، 100انڈیکس 67 ہزار کی سطح بھی عبور کرگیا

کراچی (اُمت نیوز)100انڈیکس پہلی بار 67 ہزار کی سطح عبور کرگیا اور انٹربینک میں ڈالر بھی تنزلی کا شکار ہوگیا۔
پاکستان اسٹاک ایکس چینج میں کاروبار کے آغاز پر تیزی کا رجحان رہا، اور 100انڈیکس پہلی بار 67 ہزار کی سطح عبور کرگیا۔
بدھ کے روز کاروبار کے آغاز پر ہی 100انڈیکس میں 665 پوائنٹس اضافہ ہوگیا اور ایک نیا ریکارڈ قائم ہوگیا۔
دوسری جانب روپے کے مقابلے میں امریکی ڈالر بھی تنزلی کا شکار رہا، اور انٹربینک میں ڈالر کی قیمت میں 53 پیسے کمی ہوئی جس کے بعد ڈالر 283.25 روپے پر آگیا۔