شیخوپورہ، ٹک ٹاک بناتے 3 نوجوان جان کی بازی ہار گئے

شیخوپورہ کی تحصیل خانقاہ ڈوگراں میں ٹک ٹاک کے شوق نے 3 قیمتی جانیں لی لیں۔

خانقاہ ڈوگراں کا مشہور ٹک ٹاکر محمد انس صائم اپنے ماموں عرفان اور دوست کے ہمراہ وزیرآباد جارہا تھا کہ راستے میں ٹک ٹاک بناتے ہوئے موٹرسائیکل بے قابو ہوکر سامنے سے آنے والی کار سے ٹکرا گئی۔

ریسکیو حکام کے مطابق ٹک ٹاک بناتے ہوئے موٹر سائیکل کار سے ٹکرانے کے نتیجے میں تینوں نوجوان  شدید زخمی ہوگئے جو بعد ازاں زخموں کے تاب نہ لاتے ہوئے دم توڑ گئے۔