نیٹی جیٹی پل پر بس الٹنے سے خاتون جاں بحق

کراچی میں نیٹی جیٹی پل پر بس الٹنے سے خاتون جاں بحق اور4 مسافر زخمی ہوگئے۔

بس نیٹی جیٹی پُل سے ٹاور کی جانب والا پُل اتر رہی تھی کہ تیزرفتاری کے باعث حادثے کا شکار ہو گئی۔زخمیوں میں بچے بھی شامل ہیں۔

حادثے کی اطلاع ملتے ہی رضا کارٹیموں نے فوری طور پر پہنچ کرامدادی کارروائیوں کا آغاز کردیا۔

حادثے میں جاں بحق ہونے والی خاتون کی لاش اورزخمیوں کو فوری طور پراسپتال منتقل  کر دیاگیا،حادثے کے باعث ٹاور کے قریب ٹریفک معطل ہو گیا۔