’’ اڈیالہ جیل میں عمران خان کی آنکھیں چھلک پڑیں‘‘

راولپنڈی: گزشتہ دنوں عمران خان اڈیالہ جیل میں سماعت کے دوران آبدیدہ ہوگئے جس پر انہیں ٹشو کا ڈبہ فراہم کیاگیا جبکہ کچھ دیر کے لیے سماعت بھی موخر کردی گئی، اس سلسلے میں سینئر صحافی نے سماعت کا مکمل احوال اپنے ولاگ میں شیئرکیا ہے۔

جاوید چوہدری نے بتایا کہ ’عمران خان   جیل کے اندر  ہیں اور جب سماعت شروع ہوئی تو  وہ رو پڑے اور باقاعدہ پھر جیل کے عملے کو انہیں ٹشو پیپر دینے پڑے اور جب وہ آنکھیں صاف کر رہے تھے تو وہاں اتنا سوگوار سا ماحول پیدا ہو گیا کہ جج صاحب بھی اپنی سیٹ سے اٹھ کرچلے گئے۔

نیب کے وکیل امجد پرویز  چلتے چلتے عمران خان  کے پاس آئے اور کہا کہ آپ اپنی فیملی کے ساتھ بات کر لیں ہم تھوڑی بات تھوڑی بعد دوبارہ واپس آتے ہیں، پھر آدھے گھنٹے بعد دوبارہ عدالتی کارروائی شروع ہوئی ۔