بحریہ ٹاؤن کے چڑیا گھر میں شیرنی کے ہاں 6 بچوں کی پیدائش

کراچی کے بحریہ ٹاؤن میں واقع ڈین زو میں افریقی شیر کے جوڑے کے ہاں 6 بچوں کی پیدائش ہوئی ہے۔

چڑیا گھر انتظامیہ کا کہنا ہے کہ سفید افریقی شیر کے تمام 6 بچے نر اور صحت مند ہیں۔

انتظامیہ نے بتایا کہ جنوبی ایشیا میں سفید شیر کے بیک وقت سب سے زیادہ بچوں کی پیدائش کا یہ ریکارڈ ہے۔بچوں کی دیکھ بھال کےلیے زو کیپر اور پیرا میڈیک اسٹاف مقرر کردیے ہیں۔