70 دلہنوں کو لوٹنے والی خاتون گرفتار

آسٹریلیا(اُمت نیوز) ڈرائی کلینر ظاہر کر کےاپنے بینک بیلنس میں اضافہ کرنے کیلئے 70 دلہنوں کو لوٹنے والی خاتون کو گرفتار کر لیا گیا۔
کوئنز لینڈ، آسٹریلیا میں ایک 53 سالہ خاتون کو دھوکہ دہی کے الزامات کا سامنا ہے جب اس نے دلہنوں کو ڈیزائنر کپڑے آن لائن فروخت کرکے دھوکہ دیا۔

چھ ماہ کی تفتیش اس وقت شروع کی گئی جب کیرنز، آسٹریلیا سے تعلق رکھنے والی ایک دلہن نے، جس نے ستمبر 2022 میں ایک ڈرائی کلیننگ کمپنی کو اپنی مرضی کے مطابق لباس فراہم کیا، سوشل میڈیا پر کسی کو ویسا ہی گاؤن پہنے ہوئے دیکھا ۔

اس کے بعد دلہن نے پولیس کو واقعے کی اطلاع دی، جس کے بعد جولائی 2023 میں تحقیقات کا آغاز ہوا،تحقیقات شروع کرنے کے بعد، قانون نافذ کرنے والے ادارے نے دی گارڈین کو بتایا کہ جنوری 2019 اور جولائی 2023 کے درمیان 69 مزید دلہنیں اسی طرح کے اکاؤنٹس کے ساتھ سامنے آئیں۔

جاسوسی کے قائم مقام سینئر سارجنٹ میٹ ہوگن نے کہا کہ خاتون نے اسی طرح 70 دلہنوں کو لوٹا ، وہ یہ کپڑے بیچ دیتی تھی۔

انہوں نے کہا کہ مزید متاثرین نے ابھی تک پولیس سے رابطہ نہیں کیا ہے، اگر آپ کے پاس مشتبہ دھوکہ دہی کے کاروبار کے بارے میں کوئی معلومات ہیں،توبراہ کرم پولیس کواسکی اطلاع دیں۔

آسٹریلوی اخبار برسبین ٹائمز کے مطابق اس آپریشن کا کوڈ نام "آپریشن وکٹر ریکن بیکر”رکھا گیا تھا۔

کوئنز لینڈ پولیس نے ایک بیان میں کہا ہے کہ ایڈمنٹن، کیرنز نارتھ اور سمتھ فیلڈ میں خاتون کی جائیدادوں پر سرچ وارنٹ جاری کرنے کے بعد الیکٹرانک آلات، دستاویزات اور شادی کے گاؤن ضبط کر لیے گئے۔

بیان میں یہ بھی کہا گیا ہے کہ خاتون 30 جنوری کو کیرنز مجسٹریٹ کی عدالت میں پیش ہوں گی۔