پاک بحریہ کی چھٹی ہنگور کلاس آبدوز کی تیاری کا آغاز

راولپنڈی(امت نیوز)پاک بحریہ کی چھٹی ہنگور کلاس آبدوز کی تیاری کا آغاز کردیا،متقریب کا انعقاد کراچی شپ یارڈ اینڈ انجینرئنگ ورکس میں ہوا تقریب کے مہماں خصوصی چیف آف دی نیول اسٹاف ایڈمرل نوید اشرف تھے۔تقریب سے خطاب کرتے ہوئے چیف آف نیول اسٹاف نوید اشرف نے کہا کہ قومی جہاز اور آبدوز سازی کی صنعت کو تقویت دینا نیول ہیڈکوارٹرز کی اولین ترجیح ہے،ہنگور کلاس آبدوزیں جدید ترین ٹیکنالوجی اور ہتھیاروں سے لیس کی جائیں گی۔

انہوں نے مزید کہا کہ مقامی طور پہ جدید آبدوز کی تیاری میں وزرات دفاعی پیداوار، پاک بحریہ اور کراچی شپ یارڈ کی مشترکہ کاوشیں لائق تحسین ہیں،ہنگور کلاس آبدوزوں کی پاکستان میں تیاری سے پاک بحریہ کی خود انحصاری کی کاوشوں کو فروغ حاصل ہوگا۔ سربراہ پاک بحریہ نے آبدوز کی تیاری میں چائنہ شپ بلڈنگ اینڈ آف شور انٹرنیشنل کمپنی کے تعاون پر متعلقہ حکام کا بھی شکریہ ادا کیا۔