مختلف پولنگ اسٹیشنوں پر دوبارہ ووٹنگ جاری

گھوٹکی (اُمت نیوز)مختلف نشستوں کے پولنگ اسٹیشنوں پر مؤخر کی گئی پولنگ کا عمل آج دوباہ کیا جارہا ہے۔

گھوٹکی سے صوبائی اسمبلی کی نشست پی ایس 18 کے 2 پولنگ اسٹیشنوں پر ری پولنگ جاری ہے۔

ایس ایس پی انور کھیتران کے مطابق یہ دونوں پولنگ اسٹیشنز انتہائی حساس ہیں، جہاں رینجرز اور آرمی کو بھی تعینات کیا گیا ہے۔

8 فروری کو ان دونوں پولنگ اسٹیشنز پر ہنگامہ آرائی کے باعث پولنگ روک دی گئی تھی۔

الیکشن کمیشن کے مطابق مختلف وجوہات کی بنا پر مؤخر کی گئی پولنگ آج صبح 8 بجے سے شام پانچ بجے تک بغیر وقفے کے جاری رہے گی۔

واضح رہے کہ این اے 88 خوشاب کے 26 اور پی کے 90 کوہاٹ کے 8 پولنگ اسٹیشنوں پر بے امنی کے واقعات پیش آئے تھے۔