پنجاب اسمبلی کا اجلاس 22فروری کو طلب کرنے کا فیصلہ

لاہور: اسپیکر پنجاب اسمبلی سبطین شاہ نے کہا کہ پنجاب اسمبلی کا اجلاس 22فروری کو بلایا جا رہا ہے۔

مخصوص نشستوں کا نوٹیفکیشن نہ ہونے کے باعث ہاؤس نامکمل ہے، اسپیکر پنجاب اسمبلی کا کہنا تھا کہ میرے علم میں نہیں کہ ابھی ہاؤس مکمل ہے یا نہیں۔

انہوں نے کہا کہ پہلا اجلاس مخصوص نشستوں کے نوٹیفکیشن کے بغیر نہیں بلایا جا سکتا، آزاد ارکان کسی سیاسی جماعت میں شامل ہوئے تو مخصوص نشستوں سے محروم نہ کیا جائے۔

اسپیکر پنجاب اسمبلی سبطین شاہ کا کہنا تھا کہ کسی جماعت کی مخصوص نشستیں دوسری جماعت میں بانٹنا مناسب نہیں ۔