کراچی میں چند گھنٹوں میں 10 افراد کی پرُاسرار موت

کراچی(اُمت نیوز)کراچی میں شدید گرمی کے دوران چند گھنٹوں میں 10 افراد پرُاسرار طور پر جاں بحق ہو گئے۔ پوسٹ مارٹم اور میڈیکل رپورٹ کے بغیر لاشیں سردخانے منتقل کر دی گئیں۔

شہرقائد میں نو گھنٹے میں دس افراد دم توڑ گئے۔ تین لاشیں لیاری لاشاری محلہ کے ایم سی میدان سے ملیں جب کہ دیگر لاشیں گولیمار، جہانگیرروڈ، لانڈھی، گودام چورنگی، ڈیفنس فیز 7 ، اورنگی ٹاؤن سیکٹر 15 اور خمیسو گوٹھ سے ملیں۔

ریسکیوحکام کادعویٰ ہے کہ ممکنہ طور پر تمام افراد نشے کےعادی تھے اور ملنےوالی تمام لاشوں کی شناخت کا عمل جاری ہے۔

لاشیں کارروائی کیلئے متعلقہ پولیس اسٹیشن سے پھر سردخانے منتقل کی گئیں۔ تاحال متوفین کا کوئی وارث سامنے نہیں آیا ہے۔