غزہ میں اسرائیلی فوج کے وحشیانہ حملے،مزید23 فلسطینی شہید

غزہ میں اسرائیلی فوج کے وحشیانہ حملے جاری ہیں، عرب میڈیا کے مطابق ان حملوں میں 23 فلسطینی شہید ہوگئے ۔

میڈیا کے مطابق غزہ سٹی اور جبالیہ میں اسرائیلی بمباری سے 6 فلسطینی شہید ہوئے جبکہ رفح میں اسرائیلی فوج کے حملے میں ایک فلسطینی ماں اور 2 بچے شہید ہوئے۔ عرب میڈیا کے مطابق شمالی غزہ میں گرنیڈ حملہ میں ایک اسرائیلی فوجی ہلاک ہوگیا۔

عرب میڈیا کے مطابق گزشتہ سال 7 اکتوبر سے اب تک  فلسطینی شہدا کی تعداد 43 ہزار 341 ہوگئی ہے جبکہ ایک لاکھ 2،341 فلسطینی زخمی ہیں۔ادھر بیروت سے عرب میڈیا کے مطابق لبنان میں بھی اسرائیلی فوج کے حملے جاری ہیں۔