میجر محمد اویس شہید کی نماز جنازہ میران شاہ میں ادا

راولپنڈی: شمالی وزیرستان میں دہشتگردوں کیخلاف بہادری سے لڑتے ہوئےجام شہادت نوش کرنے والے میجر محمد اویس شہید کی نماز جنازہ میران شاہ میں ادا کردی گئی۔میجر محمد اویس شہید کے جسد خاکی کو آبائی علاقے روانہ کردیا گیا ہے جہاں انہیں مکمل فوجی اعزاز کے ساتھ سپرد خاک کیا جائے گا۔

آئی ایس پی آر کے مطابق نماز جنازہ میں پاک فوج کےسینئر افسران، جوانوں اور عمائدین کی بڑی تعداد نے شرکت کی۔

آئی ایس پی آر ک اکہنا ہے کہ پاکستان کی سیکیورٹی فورسز دہشت گردی کی لعنت کو جڑ سے خاتمے کیلیے پرعزم ہیں،ہمارے شہدا کی عظیم قربانیاں ہمارے عزم کو مزید تقویت دیتی ہیں ۔