کراچی: میاں بیوی بچے سمیت مبینہ طور پر ’غیرت‘ کے نام پر قتل

کراچی:  گھگھر پھاٹک کے قریب میاں بیوی کو بچے سمیت مبینہ طور پر غیرت کے نام پر قتل کردیا گیا ہے۔جوڑے کا تعلق بلوچستان سے بتایا جا رہا ہے۔ پولیس کے مطابق اس جوڑے نے آٹھ برس قبل پسند کی شادی کی تھی۔

تفصیلات کے مطابق گھگھر پھاٹک کے قریب سے ایک مرد، عورت اور بچے کی تشددزدہ لاشیں ملی ہیں جنہیں کلہاڑی کے وار سے قتل کیا گیا۔

گھگھر پھاٹک سے تین لاشیں ملی ہیں، اطلاع ملنے پر پولیس کرائم سین یونٹ کا عملہ موقع پر پہنچ گیا۔ پولیس حکام نے بتایا کہ لاشیں ایک مرد، عورت اور کمسن بچے کی ہیں، جائے وقوع سے دو کلہاڑی، ایک بیلچہ اور مردانہ چپل اور ایک جوتا ملا ہے، ممکنہ طور پر کلہاڑی کے وار سے انہیں قتل کیا گیا ہے،

پولیس نے بتایا کہ مقتولین کی شناخت عبدالمجید ودھیو، ان کی اہلیہ سکینہ ودھیو اوران کے بچے کی عبدالنبی کے ناموں سے ہوئی ہے۔