پنجاب کے 25 سیلاب متاثرہ اضلاع میں مرکزی مسلم لیگ کی امدادی سرگرمیاں جاری

پاکستان مرکزی مسلم لیگ کی جانب سے پنجاب کے سیلاب متاثرہ اضلاع میں ریسکیو اور ریلیف آپریشن جاری ہے۔ پارٹی کے مطابق اب تک 22 ہزار سے زائد افراد کو کشتی سروس کے ذریعے محفوظ مقامات پر منتقل کیا جا چکا ہے، جبکہ 5 لاکھ سے زیادہ متاثرہ شہریوں میں پکا ہوا کھانا تقسیم کیا گیا ہے۔ اس کے علاوہ میڈیکل کیمپوں میں 5 لاکھ سے زائد مریضوں کو طبی امداد فراہم کی گئی ہے۔

مرکزی مسلم لیگ کے صدر خالد مسعود سندھو کی ہدایت پر ریلیف سرگرمیاں جاری ہیں جبکہ چیئرمین خدمت خلق شفیق الرحمان وڑائچ ذاتی طور پر ان آپریشنز کی نگرانی کر رہے ہیں۔ پارٹی رہنما انجینئر حارث ڈار، حمید الحسن، تابش قیوم اور مزمل اقبال ہاشمی سمیت دیگر رہنما بھی متاثرہ علاقوں میں موجود ہیں۔

 

ریلیف آپریشن کی جھلکیاں
* لاہور کے علاقے موہلنوال میں دو خیمہ بستیاں قائم کر دی گئی ہیں جہاں ہزاروں متاثرین مقیم ہیں۔ ان بستیوں میں پکا ہوا کھانا اور طبی سہولیات فراہم کی جا رہی ہیں۔
* جھنگ میں امدادی کیمپ کا سکھ رہنما جسپال سنگھ اروڑہ نے دورہ کیا اور ریلیف آپریشن کو سراہا۔
* دریائے ستلج کے نواحی علاقوں دیا سنگھ، کوٹھی فتح محمد، قلعی شاہو پتن اور چھبر میں کھانا تقسیم کیا گیا۔
* نارنگ منڈی کے سرحدی علاقوں میں متاثرہ خاندانوں تک امداد پہنچائی گئی۔
* رات گئے سگیاں پل کے قریب ایک فیملی کو کشتی کے ذریعے ریسکیو کیا گیا۔
* موہلنوال میں جانوروں کو بھی محفوظ مقامات پر منتقل کیا جا رہا ہے۔

 

متاثرہ اضلاع

لاہور، قصور، سیالکوٹ، ننکانہ، چنیوٹ، شیخوپورہ، سرگودھا، پنڈی بھٹیاں، وزیرآباد، نارووال، جہلم، اوکاڑہ، بہاولپور، بہاولنگر، حافظ آباد، منڈی بہاؤالدین، گجرات، ساہیوال، ملتان، جھنگ، مظفر گڑھ، بوریوالہ، پاکپتن، گوجرانوالہ اور ٹوبہ ٹیک سنگھ میں 10 ہزار سے زائد رضاکار امدادی سرگرمیوں میں مصروف ہیں۔

سندھ میں سرگرمیاں

مرکزی مسلم لیگ نے سکھر میں ایمرجنسی ریسکیو سنٹر قائم کر دیا ہے، جہاں رضاکار ہمہ وقت موجود رہیں گے۔ سندھ میں بھی رضا کار متاثرہ علاقوں میں سرگرم عمل ہیں۔