متحدہ عرب امارات شدید گرمی ، ایشیا کپ میچوں کے اوقات میں تبدیلی

متحدہ عرب امارات کی شدید گرمی کے باعث ایشیا کپ کے منتظمین نے میچوں کے اوقات میں تبدیلی کر دی۔

تفصیلات کے مطابق اب زیادہ تر میچز پہلے سے اعلان کردہ شیڈول کے بجائے آدھے گھنٹے بعد شروع ہوں گے تاکہ کھلاڑیوں اور تماشائیوں کو گرمی کے اثرات سے محفوظ رکھا جا سکے۔

ایونٹ کے 19 میں سے 18 میچز شام ساڑھے چھ بجے (مقامی وقت) کھیلے جائیں گے۔ 15 ستمبر کو ابوظہبی میں دو میچز شیڈول ہیں، جن میں پہلا ڈے میچ متحدہ عرب امارات اور عمان کے درمیان سہ پہر چار بجے شروع ہوگا، جب کہ اسی شام سری لنکا اور ہانگ کانگ کی ٹیمیں آمنے سامنے ہوں گی۔

ایشیا کپ کا سب سے بڑا مقابلہ پاکستان اور بھارت کے درمیان 14 ستمبر کو ہوگا۔ گروپ مرحلے سے ٹاپ دو ٹیمیں سپر فور میں جگہ بنائیں گی، جہاں 20 سے 26 ستمبر تک چھ میچز ہوں گے۔ سپر فور کی ٹاپ دو ٹیمیں 28 ستمبر کو فائنل کھیلیں گی۔